စံပယ်ဖြူရေ...
နင့်အပြုံးလေးတွေ အဝေးကခိုးကြည့်ငေး
ဒီလိုနဲ့ပဲ..... တစစဝေးရတော့မလား။
စကားတစ်ခွန်း ပန်းပေါင်းရာထောင်ဝေ
တွေဝေတိတ်ဆိတ် တခြမ်းပဲ့နေ့ညတွေ
အားတင်းထားတဲ့ရင်တွင်းစကား
နင့်ရှေ့ကိုရောက်မှ
ခြေလှမ်းတွေအခါခါမှားလို့
ရင်ထဲမှာဖွင့်မပြောသာ
မြိုသိပ်ခဲ့စကားလုံးများစွာ
စံပယ်ဖြူ...နင်သိမျက်ဝန်းအကြည့်တွေ
ဘာသာစကားကင်းမဲ့စွာတည်ဖွဲ့နေခဲ့
ခံစားမှုအသစ်ပျော်ဝင်မူးယစ်
နေမြင့်အရူးရင့်
ဒီလိုနဲ့ပဲ.....
ဘ၀ကိုအသားမာတက်စေခဲ့ကြ။
အလွမ်းရောင်ရင့်ရင့်
အိပ်ရေးပျက်အခန်းကျဉ်းထဲ
အရေခွံထူနေတဲ့ညနေ
ကြယ်တွေကြွေမှာကိုစောင့်ကြည့်ရင်း
ခလုတ်တိုက်မိတဲ့အပြုံးချိုချိုတွေ
ဘ၀ဟာမာယာများသတဲ့။
စံပယ်ဖြူရေ...သတိရမိတဲ့အခါ
ကောင်းကင်ကြီးကိုမော်ကြည့်မိတာဘာကြောင့်များပါလဲ။
No comments:
Post a Comment