အဲဒီညနေခင်းလေးပေါ့။
အချိန်ရာသီဇယားထဲမှာ
နောက်တစ်ကြိမ်ပြန်လည်မွေးဖွားခွင့်ရခဲ့ရင်တောင်မှ
သူ့လိုမျိုးဆွတ်ဝေ ဒီလိုညနေမရှိတော့လောက်အောင်
အစွမ်းကုန်ပွင့်အာ လင်းပျနေခဲ့တယ်။
စံပယ်ရေ...
နင့်အဆင်း လေအဝေ့မှာပျံ့ထုံသင်းရှ
နှလုံးအိမ်ကိုရုန်းကြွစေခဲ့တာ အဲဒီညနေခင်းလေးပေါ့။
ပန်းသတင်းလေညှင်းဆောင်
အဲဒီနေ့က စံပယ်ပွင့်လေးလူယောင်ဆောင်ခဲ့တယ်။
ကိုယ့်ဘ၀ထဲအဖြူရောင်ပန်းပွင့်လေး
လူးလွန့်ရှင်သန်လာခဲ့တဲ့ညနေခင်းလေးပေါ့။
ညပေါင်းများစွာ အတွေးများစွာနဲ့
အိပ်မပျော်ဖြစ်ရတော့မည့်အရေး
ကိုယ်ရင်မလေးတော့ပါဘူး။
အခုမှ ပိုလို့တောင်တက်ကြွရှင်သန်လာခဲ့တယ်။
အသစ်သစ်သော ခံစားမှုတွေမှာ
ကျွန်တော်ပျော်ဝင်ရင်း
အချစ်ဆိုတာမြစ်တစ်စင်းပဲ။
လူငယ်လေးတစ်ယောက်ရဲ့ရင်ထဲစီးခဲ့လေတယ်။
No comments:
Post a Comment