အားငယ်စိတ်တွေဝင်လာမိတဲ့အခါ ဖွင့်ပြောမယ်လို့ရည်ရွယ်ထားတဲ့စိတ်တွေ
အတုံးအရုံးကျဆုံးပြန်တယ်။ဒီလိုနဲ့ပဲ ပြီးဆုံးသွားရတော့မယ်ထင်ပါရဲ့။
ကိုယ့်ကိုယ်ကိုလဲမကျေမနပ်ဖြစ်မိတယ်။ချစ်တယ်လို့တောင်ဖွင့်မပြောရဲခဲ့တဲ့
ကောင်၊စိတ်ကူးယဉ်မှုတွေနဲကျေနပ်၊အိပ်မက်တွေနဲ့သာအဆုံးသတ်ရမှာပါပဲ။
နောက်ဆုံးရရှိမှာက ရင်ကွဲပက်လက်ဒဏ်ရာဒဏ်ချက်တွေ...။
စံပယ်ဖြူရေ...ချစ်မိသူဆိုတာလောကမှာစစ်အရှုံးဆုံးသောသူပါ။
ချစ်သူကိုတောင်ချစ်တယ်လို့မပြောရဲခဲ့တဲ့ကောင် ရာစုတစ်ထောင်နေရစ်ခဲ့
ချို့တဲ့သောဘ၀၊
ဆန္ဒတွေရဲ့မပြေလည်မှု၊
အပြာရောင်ဒိုင်ယာရီတစ်ခုနဲ့
ချစ်သူအတွက်ပန်သစ္စာ၊
သြော်...ငါ့ကိုလေနားလည်ပါ။နားလည်ပေးစမ်းပါ။
ကျရှုံးတော့မယ့် စစ်သူရဲအိုက ငယ်ဘ၀ကဓားနဲ့ချစ်သူကို
သတိရလိုက်သလိုမျိုး နင့်ကိုငါသတိရနေတယ်။
ဒါပါပဲလေ...မထိုက်တန်သူဆိုတာ
နောက်ဆုံးတော့လဲ မျောလွင့်ရမှာပဲမဟုတ်လား။
မိုးကိုဆန့်မြောက်ထားသော မမီနိုင်တဲ့ကမ်းလက်တွေဟာ
ဟိုး...တုန်းကလိုပဲ
ငါ့ဆီမှာ မြေမှုန်တွေစွန်း ထင်း လျက် ပါပဲလေ။
No comments:
Post a Comment