(၈၇) ခံစားချက်

သူ့နာမည်လေး တီးတိုးရွတ်ဆိုမိ
ဝေးရမည်ဆိုတဲ့ အသိတချက်နဲ့တင်
ဘ၀ကအခါခါသေတယ်။

(၈၆) ဒိုင်ယာရီရဲ့နောက်ဆုံးစာမျက်နှာ

နင်းစက်လက်တွဲခိုနေတဲ့ စပယ်ဖြူလေးရေ
ဒီလကွယ်ညမှာပဲ ဆုပ်ကိုင်ထားတဲ့လက်ချောင်းတွေကို
ဖြည်ချလိုက်ပါတော့။
တချိုလူတွေကဘ၀မှာကြယ်တွေကြွေကျခဲ့ဖူးသတဲ့
ငြိမ်သက်စွာခရီးနှင်ကြဦးပေါ့ကွယ်
ကိုယ့်မှာက...
နေတွေလတွေတောင်ကြွေကျခဲ့ဖူးပါတယ်။
သွားတော့မယ်နော် ကံကြုံရင်ပြန်ဆုံကြဦးမှာပေါ့လို့
ကံမကောင်းသူတို့ရဲ့မှိုင်းညို့သောလမ်းခွဲ
ကျောက်စရစ်ခဲတွေအပြိုင်းအရိုင်းလွင့်ကြဲနေတယ်
ဘာပဲဖြစ်ဖြစ် ကိုယ့်အပြစ်ပါပဲ
လေရိုင်းတွေဝိုင်းဝန်းကိုက်ခဲခံရတဲ့
မီးလျှံစတစ်စလိုပြာညိုယိမ်းထိုး
ပြက္ခဒိန်မှာတော့ မနက်ဖြန်ခါဟာနာမည်ဆိုးမရှိပါဘူး
ဒါပေမယ့်...လွမ်းဆွတ်နေသူတယောက်ရဲ့
ကြောက်မက်ဖွယ်ရာအိပ်မက်များ
နင်းဆီခြွေရထားမှာ စူုးစူးဝါးဝါးဥသြဆွဲပစ်လိုက်တယ်
ဒီည၊နောက်ညဘယ်လိုမှနိဂုံးချုပ်လို့မရပါဘူး
ဘီလူးဖမ်းသလိုကြမ်းတဲ့ အလင်္ကာ
နတ်ဆိုးတွေအိပ်မှတိတ်တဆိတ်ကိုယ်ရေးလိုက်တယ်
ပျော်ခွင့်မပိုင်သောဒိုင်ယာရီ၏ နောက်ဆုံးစာမျက်နှာ၌
နတ်သူရူးတို့ကြဲပက်တဲ့အက်ဆစ်တစက်လို
ရှ..အက်..ကြေ..ကွဲ
မင်နီတွေ ရဲ လို့ပေါ့ကွယ်။