စပယ်ဖြူနဲ့ပတ်သက်တဲ့အလွဲများစွာထဲကတစ်နေ့စာအလွဲလေးတခုပေါ့။
မနက်ခင်းလင်း အိပ်ရာကနိုးတော့ ဟိုငေးဒီငေး ငေးနေတုန်းစပယ်ဖြူရဲ့အစ်မ မမို့ရောက်
လာတယ်။အရင်လိုပဲ ရီမောနှုတ်ဆက်ရုတ်တရက်ပဲသူ့စကားတစ်ခွန်းမှာ ကျွန်တော့်နှုတ်ဖျား
က စကားတွေဆွံ့အ။မနက်ဖြန်ပြန်တော့မယ်တဲ့။ရင်ထဲဗလောင်ဆူသွားဘယ်သူများသိလေ
မလဲ။သူပြန်ရင် ကျွန်တော်ချစ်ရသော စပယ်ဖြူရော.....မေးပစ်လိုက်ဖို့ ကျွန်တော့်နှုတ်ခမ်း
တွေလေးလံနေတယ်။ဝေးရမှာလားချစ်သူ။
တစက္ကန့်လေးတောင်မဝေးချင်သောချစ်သောသူပါ။
အရင်လိုနေ့တွေ၊ညတွေများစွာမှာ အဝေးကခိုးငေး၊မြင်ရုံလေးနဲ့ရင်ခုန်ကျေနပ်နေတဲ့သူ၊
ရုတ်တရက်ဝေးရမယ်ဆိုတဲ့အသိတစ်ချက်ကအဲဒီရင်ခုန်သံကိုကမောက်ကမဖြစ်စေခဲ့ပေါ့။
သူ့ကိုတွေ့ရဖို့ တစ်နေကုန်ကျွန်တော်မျှော်လင့်နေခဲ့တယ်။သူရှိမယ့်နေရာ၊သူ့ကိုမြင်နိုင်
မယ့်နေရာတွေမှာလိုက်ရှာနေမိတယ်။သူကိုစကားတစ်ခွန်းပြောလိုက်ဖို့။လက်ဆောင်တခုပေး
လိုက်ဖို့။ဒါမှမဟုတ်...သူ့ပုံရိပ်လေးကိုအမှတ်တရသိမ်းထားလိုက်ချင်လို့.........
No comments:
Post a Comment