ငါ့ကိုသတ်.. ငါ့ရင်ဘတ်ကို ထိုးခွဲဖောက်လှန်ကြည့်
ငါ့လက်သီးထဲမှာ ကျစ်ကျစ်ပါအောင်ဆုပ်ထားတဲ့
သုညတစ်လုံးပဲ ရှိလိမ့်မယ်။
ဝိုင်ယာကြိုးတွေ
`ထောင်း´ခနဲ မီးပွင့်ပြတ်တောက်ပြီး
ရုတ်ခြည်း မှောင်အတိကျသွားတဲ့
`အန္ဓ´တို့ရဲ့အိမ်အိုမှာ..
တေလေပီသစွာ.. ငါနေတယ်။
တိတ်ဆိတ်.. ပြာလဲ့နေတဲ့ည
ရေတွင်းထဲ ခေါင်းငုံ့ပြီး
`................´ကိုချစ်တယ်... လို့
ဘယ်ဆီဘယ်ဝယ်.. ဟစ်အော်တမ်းတရတာ
ဘာကြောင့်ပါလဲ...။
`အုံ့ပုန်းချစ်´ သီချင်းကို
မဆိုချင်ဘဲ ဆိုရတာ
ရွှေရည်စိမ်ထားတဲ့ လက်ပစ်ဗုံးကို
ကိုက်မျိုရသလိုပါပဲ..လို့
အက်ကွဲနေတဲ့ မက်ဒလင်ကြီးက...
ငါ့ကိုပြောပြတယ်။
အဲဒီလိုနဲ့...
မိုးကိုဆန့်မြှောက်ထားတဲ့
မမီနိုင်သောကမ်းလက်တွေဟာ
ဟိုး... တုန်းကလိုပဲ
ငါ့ဆီမှာ... မြေမှုန်တွေ စွန်းထင်းလျက်ပါပဲလေ..။
No comments:
Post a Comment