ထုတ်မကြည့်တော့ဘူးလို့စိတ်ကူးဖူးတယ်။ပြာမှုန်တွေအဖြစ်ပြောင်းလဲပစ်လိုက်ဖို့
တွေးဖူးတယ်။ဒါပေမယ့် တရကြမ်းဝါးမြိုနေတဲ့မီးတောက်တွေကြားမှာဖျိုးဖျိုးဖျစ်ဖျစ်
နာကျင်စွာညည်းတွားနေရှာမယ့်စာမျက်နှာလေးတွေရဲ့နာကျင်မှုကိုခံစားနေလိုက်ဖို့ ကျွန်တော့်မှာအဲဒီလောက်ထိသတ္တိမရှိခဲ့ပါဘူး။
မပေးဖြစ်တော့ရင်လဲသိမ်းထားလိုက်ပါရစေ။ဒဏ်ရာပြတိုက်လေးတခုအဖြစ်ပေါ့။
ဒိုင်ယာရီလေးထဲမှာသူနဲ့ပထမဆုံးဆုံဆည်းခဲ့ရတဲ့နေ့လေးရှိမယ်။
ကြည်နူးခဲ့ရာအတွေးတွေ၊ မပြောဖြစ်ခဲ့တဲ့စကားလုံးတိုင်း၊ဆုံးရှုံးမှာစိုးရွံ့ပူပန်မှုတွေ၊ခံစားချက်နောက်ကိုလိုက်တတ်တဲ့မျက်ရည်စတွေ၊တိတ်တိတ်လေးခိုးငေးခဲ့ရတဲ့
လှတစ်မျက်နှာ၊ကြည်စင်တဲ့အပြုံးလေး၊နူးညံ့တဲ့ခြေလှမ်းတိုင်း....
အို….များစွာ၊များစွာပါပဲလေ။
သူမပါဝင်ပတ်သက်ခဲ့တဲ့နေ့ရက်တိုင်းမှာဒိုင်ယာရီလေးက ကျွန်တော့်ဘ၀ရဲ့
တစ်စိတ်တပိုင်းပဲ။ရှင်သန်ခဲ့ရာနာရီတိုင်း၊စက္ကန့်ုတိုင်းဟာ သူမရဲ့အကြောင်းအရာ
များနဲ့ဒိုင်ယာရီလေးထဲအပ်ကြောင်းထပ်နေခဲ့တယ်။
သူမကိုလက်လွတ်ဆုံးရှုံးလိုက်ရမယ့်နောက်ဆုံးနေ့မှာ ဒိုင်ယာရီလေးလဲ ကျွန်တော်
နဲ့အတူသေဆုံးသွားမှာလား။
ပိုင်ဆိုင်လိုတဲ့ပန်းလေးတပွင့်ကို တပါးသူ့ရဲ့ရင်ခွင်ထဲမှာမြင်နေရခြင်းကိုရင်ဆိုင်ရဲတဲ့
သတ္တိမရှိတာကိုတော့ကျွန်တော်ဝန်ခံပါရစေ။
မတူညီတာတွေများခဲ့ပါတယ်။ချို့တဲ့သောဘ၀၊ဆန္ဒတစ်ခုရဲ့မပြေလည်မှု၊သူမက
ရွှေမှုန်ကြဲတဲ့မိုးကောင်းကင်လေး၊ ကျွန်တော်ကတော့မြက်ရိုင်းပင်လေးပေါ့။
ဘယ်လိုအခြေနေမျိုးပဲဖြစ်ဖြစ်ဒီပန်းပွင့်လေးကိုပဲကျွန်တော်ပိုင်ဆိုင်ချင်ခဲ့တယ်။
No comments:
Post a Comment